Дуслар, без сезгә табышмаклар тәкъдим итәбез. Җавабын бергәләп эзлик!
* Иң иртә ул күренә,
Менеп китә үренә,
Сокланамын эшенә —
Нур сибә бар кешегә.
(Кояш)
* Үлән арасында торам яшеренеп,
Ашыйсың килсә, ал мине өзеп.
(Җиләк)
* Чик-чик итә – читкә сикерә.
“Тоттым” дигәндә тора да китә.
(Чикерткә)
* Язын дөньяга килә,
Көзен саргаеп үлә.
(Яфрак)
* Нечкә яшел сабакта
Юл буенда шар үскән.
Кай арада җил искән,
Ак шар очкан да киткән.
(Тузганак)
* Зелф-зелф итәр, зелфәргә кунар,
Әлиф-лям сырлы, алтын кырлы.
(Күбәләк)
* Чи-чи итәр,
Читлегенә кереп китәр;
Алтын башлы, йомры кашлы,
Моны белгән йөз яшьле.
(Бал корты)
* Утырабыз урманда,
Ап-ак эшләпә киеп.
Киптерә дә , кыздыра да,
Кешеләр безне күреп.
(Гөмбә)
Комментарийлар: