«ШАЯН ТВ» белән бул, телне саклау – менә безнең юл!

«ШАЯН ТВ» беренче һәм бердәнбер татар балалар телеканалы! «ШАЯН ТВ» каналының төп максаты – татар телен популярлаштыру; мультфильмнар, фәнни-популяр фильмнар, фикерләүне үстерергә ярдәм итүче тапшырулар аша балаларда татар телен өйрәнүгә кызыксындыру.

Өйдә, юлда, һәркайда - «ШАЯН ТВ» кара!

2018 елның 12 ноябрендә Татарстан Республикасы Президенты Рөстәм Нургали улы Миңнеханов ярдәме белән «ШАЯН ТВ» телеканалы тәүге тапкыр эфирга чыкты.

Шул ук көнне тапшыруларны онлайн-режимда карау мөмкинлеген тәэмин итүче shayantv.ru сайты эшли башлады. Сайт теләсә кайсы смартфон өчен җайлаштырылган  һәм аның аша «ШАЯН ТВ» каналын Россиядә генә түгел, ә чит илләрдә дә карарга мөмкин.

 «ШАЯН ТВ»ның телевизион трансляциясе берничә элемтә операторы тарафыннан башкарыла. Барлыгы «ШАЯН ТВ» каналын 15 миллионнан артык кеше карый.

Телеканал заман белән бергә атлый. Безнең тапшырулар YouTube платформасында да ачык. «ШАЯН ТВ» тамашачылары белән Инстаграм, Вконтакте  һәм  ТикТок социаль челтәрләре аша эдемтәдә тора.  «ШАЯН ТВ»ның мобиль кушымтасын Google Play һәм App Store аша йөкләп була.
2021 елның 1 августында Татарстан Республикасы Президенты Рөстәм Нургали улы Миңнеханов ярдәме белән "ШАЯН ТВ" телеканалында «ШАЯН ТВ» «ТикТок» фабрикасы үз эшен башлап җибәрде.

Контент

Хәзерге вакытта каналда 20дән артык танып-белүне, белем бирүне һәм фикерләүне үстерергә ярдәм итүче оригиналь программалар эфирга чыга. «ШАЯН ТВ»ның дубляж студиясе каналның контентын үстерүгә зур өлеш кертә. Татар теленә иң яхшы мультфильмнар, халыкара дәрәҗәдәге фәнни-популяр, документаль һәм әдәби жанрдагы тапшырулар тәрҗемә ителгән.

Даими рәвештә канал балалар иҗатын үстеру буенча эш алып бара, конкурс һәм фестивальләр оештыра. Алар арасында: «Балачак җыры» балалар җыры бәйгесе, «Сәйлән» балалар телевизион җыр фестивале, «Бию Battle» телевизион бию фестивале һәм «Мин татар баласы» республикакүләм рәсемнәр һәм эшләнмәләр бәйгесене.

Безнең җиңүләр

• «ШАЯН ТВ» каналы «Карусель» телеканалы үткәргән «Главные герои – 2019» милли балалар премиясендә «Ел ачышы» номинациясендә җиңүче дип табылды.
• «ШАЯН ТВ» телеканалы X дөньякүләм интернет-проектлар бәйгесенең «Мәдәният һәм туризм өлкәләрендә иң файдалы һәм популяр интернет-проект» һәм «Иң файдалы һәм популяр татарча мобиль кушымта» номинацияләрендә беренче урын алды! 
• «Калеб»тапшыруы «Татар рухы һәм каләм» IX Бөтенроссия журналистлары һәм массакүләм мәгълүмат чаралары бәйгесендә «Массакүләм мәгълүмат чараларында татар халкының тормышына һәм эшчәнлегенә багышланган иң яхшы эшләр циклы» номинациясендә җинде.
• «Бергәләп өйрәник» тапшыруы режиссеры Гөлназ Газизҗанова «ТЭФИ-KIDS 2020» милли-телевизион премиясе финалына үтте.
• «ШАЯН ТВ» каналында чыгучы «Күчтәнәч» тапшыруы «ТЭФИ -регион» Бөтенроссия телевизион бәйгесенең җиңүчесе