Будильникка уяну зыянлы

Галимнәр, иртән будильник тавышына уяну сәламәтлеккә зыянлы, дип белдерә. Көн саен будильник тавышына уяну кешенең йокы ритмын боза. Будильникның кискен тавышы кан басымын күтәрә, ул инсульт, йөрәк-кан тамырлары чирләре куркынычын арттыра.

Галимнәр аннан баш тартырга, йокы ритмын җайга салырга, иртәрәк ятарга һәм үзең уянырга өйрәнергә киңәш итә. Әгәр тиешле вакытта уяна алмасагыз, будильникка табигать тавышын, кошлар сайравын куярга була.