Бүген «Сәйлән» фестиваленең финал этабын төшерделәр!

Бүген «ШАЯН ТВ» студиясендә «Сәйлән» фестиваленең финал этабын төшерделәр! Бу юлы нәни йолдызларыбыз альтернатив җырлар башкарып, көч сынаштылар! Һәрвакытагыча аларга татар эстрадасының иң шәп артистлары үз бәяләрен бирде. Татарстанның халык артисты Венера Ганиева, Илгиз Шәйхразиев, Әмир Әхмәдишин, Рөстәм Асаев, Айсылу Габдинова, Илүсә Хуҗина балаларга «алтын» киңәшләрен бирделәр, тәҗрибәләре белән уртаклаштылар!

Ә сез исә өр-яңа җырларны бик тиздән «ШАЯН ТВ» каналында ишетерсез! Яңалыкларыбызны күзәтеп барыгыз һәм безнең белән бергә булыгыз!