«Сәйлән» яңалыклары!

«Сәйлән» балалар телевизион җыр фестиваленең бишенче ЮБИЛЕЙ СЕЗОНЫ дәвам итә! Әлеге проект яшь йолдызларга тагын да яктырак балкырга, татар халкының җырларын танытырга ярдәм итә.

Фестивальдә катнашучылар өчен вокал, актерлык осталыгы, сәхнә образы буенча төрле остаханәләр уздырыла. Яшь йолдызлар кичә Татарстанның атказанган артисты Гөлназ Сәфәрова белән очрашты. Танылган радио һәм телевидение алып баручысы финалистларга мастер-класс үткәрде, файдалы киңәшләрен бирде һәм зур уңышлар теләде!