Китап турында...

Таштан ясалган китап Абхазиядә саклана. Библия сюжетлары тупланган бу китапның күләме — 20 бит.
Гиннесның рекордлар китабына кергән иң кечкенә китапның зурлыгы — 0,9×0,9 мм. Ул 1996 елда Омск шәһәрендә нәшер ителгән. Китапта А. П. Чеховның «Хамелеон» хикәясе язылган.
Дөньядагы иң зур китап — Кодекс Гигас (Codex Gigas) — кулдан язылган кануннар җыентыгы. Аның озынлыгы — 92 см, иңе — 50 см, калынлыгы — 22 см.
Электрон китап ясауга этәргеч биргән беренче яссы компьютер 1996 елда АКШта барлыкка килә. Бүген аны планшет дип атарлар иде.
Өлкән буын кешеләре, уртача, атнаның 6 сәгатен китап укуга багышлый.
Китап сатып алучыларның күбесе кырык биш яшьтән өлкән кешеләр.
Китап сатып алучыларның 68 проценты — хатын-кыз.
Кешеләрнең 95 проценты бик акрын укый. Минутына уртача 180 — 220 сүз (бер битне 1 — 2 минутта).
Акырын укыганда — 60, тиз укыганда — 80 процент кеше китапта нәрсә язылганын дөрес аңлый.
Чыгу датасы төгәл билгеле булган беренче китап Псалтырь дип исәпләнә. Ул 1457 елның 14 августында Иоган Фуст һәм Петер Шеффер тарафыннан чыгарылган.