«ШАЯН ТВ» каналында премьера! Яшь тамашачыларны «Тиктормас Тинипин! Хисләр патшалыгы» маҗараларына кушылырга чакырабыз!
Төп героиня Роми Гармония шәһәрендә яши, пешекче булып эшли, ләкин үзенең сихри хис-кичерешләр патшалыгының принцессасы булуын яшерә. Аңа тылсымлы сәләтләргә ия булган, кешеләрнең хис-кичерешләренә йогынты ясый ала торган Тинипиннар ярдәм итә. Роминың бурычы - Гармония шәһәрендә тәртипсезлекләр булдыручы, патшалыктан качып киткән Тинипиннарны тоту, шул ук вакытта үз серен ачмау, чөнки биредә җирле халык тылсымга ышанмый. Көн саен тылсымчы кызга Тинипиннар китереп чыгара торган күңелсезлекләр белән очрашырга һәм тылсымлы принцессага әверелергә туры килә.
«Тиктормас Тинипин! Хисләр патшалыгы» мультсериалын эш көннәрендә 12:00 һәм 20:00 сәгатьләрдә «ШАЯН ТВ» каналында карагыз!
Комментарийлар: