16 Гыйнвар 2020
Мәктәпләрдә шахмат дәресе керә башлаячак. Статистика буенча, шахмат уйнаучы башлангыч сыйныф укучылары 40%ка яхшы укый.
Ә син, дустым, мин шахмат уйный белмим, дип борчыласыңмы?! «ШАЯН ТВ» дигән дустың бар икәнен оныттыңмы әллә? 17 гыйнвардан безнең каналда «Шахматлар патшалыгы» дигән өр-яңа мультфильм башлана! Азат белән Дананың әлеге патшалыкта нинди маҗараларга эләккәнен күрәсең, бу уенның иң яшерен серләренә төшенәсең килсә, «Шахматлар патшалыгы» мультфильмын кара!
Шахматны әле «патшалар уены» дип тә атыйлар, чөнки ул – бөтен уеннарның да патшасы. Кайбер галимнәр әйтүенчә, ул әле бик борынгы уен да, аңа якынча 5000 ел!
Комментарийлар: