Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе белән берлектә үткәрелә торган «Балачак җыры» бәйгесенә гаризалар кабул итү тәмамланды. Хәзерге вакытта эшләрне бәяләү, сайлап алу процессы бара.
Бүген әлеге җырларны бәйгенең жюри утырышында карадылар. Утырышка Ркаил Зәйдулла, Сәгыйть Хәбибуллин, Резеда Әхиярова, Әлфия Җаппарова, Айсылу Габдинова, Рифат Сәлах кебек мәртәбәле шәхесләр җыелды.
Икенче турга исә профессиональ жюри тарафыннан 20 җыр сайлап алынды. Бәйгегә килгән һәр җыр үзенчәлекле, һәм ихлас. Аларның һәрберсе хит булырга лаеклы.
Әлеге бәйгедә катнашкан, кызыксындыру белдергән һәркемгә рәхмәт әйтәбез! Бик тиздән икенче этапка үткән җырлар исемлеге билгеле булачак һәм алар өчен сайтта тавыш бирү башланачак!
Комментарийлар: