«Сәйлән» яңалыклары

«Сәйлән» балалар телевизион җыр фестиваленең алтынчы сезоны дәвам итә! Әлеге проект яшь йолдызларга тагын да яктырак балкырга, татар халкының җырларын танытырга ярдәм итә.

Фестивальдә катнашучылар өчен вокал, актерлык осталыгы, сәхнә образы буенча төрле остаханәләр уздырыла. Яшь йолдызлар Татарстанның халык артисты Эльмира Кәлимуллина, хореограф Евгений Ксенофонтов һәм популяр җырчы Илгиз Шәйхразиев белән очрашты. Остазлар балаларга мастер-класс үткәрделәр, файдалы киңәшләрен бирделәр һәм зур уңышлар теләделәр!