Без көздән үк язны көтә башлыйбыз. Кояшка, җылыга тартылабыз. Салкыннарны куып җибәрәсе, карларны тизрәк эретәсе, кышкы туннарны салып ташлыйсы килә. Быел чын яз исә март ахырында килер дип көтелә.
4 мартта Казанда температура рекорды куелды. Бу көнне һаваның максималь температурасы +4 градус тәшкил иткән. Башкалабызда 4 март өчен һава температурасының элеккеге абсолют максимумы 1995 елда теркәлгән һәм +3,9 градус тәшкил иткән.
Халык сынамышлары буенча яз кайчан тулы куәтенә керешер?
* Март берендә аяз – аяз булыр бөтен яз.
* Мартта яуган кар бакча җимешенә бик ярар.
* Кара карга килгәч, бер айдан кар китәр.
* Март башы көн кояшлы булса, яшелчә уңар.
* Мартның беренче шимбәсендә кар яуса, чикләвек һәм карабодай уңар.
Комментарийлар: