Ирада Хафиҗан кызы бездә кунакта

scroller
confetti-1
confetti-2
popcorn
clipboard
rocket
like

Ирада Хафиҗан кызы бездә кунакта

Ирада Хафиҗан кызы бездә кунакта

28 март көнне «ШАЯН ТВ» студиясендә үзенә күрә бертөрле бәйрәм рухы хөкем сөрде. Яшь каналның алыштыргысыз алып баручылары, балалар түземсезлек белән зур кунакны көтәләр. Кем дисезме? «ШАЯН ТВ»да кунакта Татарстан Республикасының Мәдәният Министры Ирада Хафиҗан кызы Әюпова кунак булды.

Мәртәбәле кунагыбызны «ШАЯН ТВ» каналында баручы төрледән төрле кызыклы программалар белән якыннан таныштырдылар. Каналның яшь алып баручы малайлары һәм кызлары белән күңелле әңгәмәдән соң, иллюзионист Роман Әхмәтшин Ирада Хафиҗан кызын һәм барлык балаларны таң калдырырлык фокуслары белән шаккаттырды. Биредә иң тырыш, акыллы, тәрбияле балалар җыелган. Вокал һәм төрле музыка уен коралларында уйный белүче балалар татарча милли көйләрне сузып җырладылар, үзләренең талантларын күрсәттеләр. Алдагы мәйданчыкта балаларны сәламәт яшәү рәвешенә өндәүче программаны тәкъдим иттеләр. «Тиззарядка» тапшыруының алып баручысы Илүзә кунагыбызга: «Ә сез көндә иртән физик күнегүләр ясыйсызмы?» дип сорагач, Ирада Хафиҗан кызы: «Кызганыч, юк шул. Ләкин моннан соң һәр иртә ясый башлармын» дип җавап кайтарды.

«ШАЯН ТВ» гел дә үсеш-үзгәрештә. Хәзергесе вакытта ныклап өр-яңа проект өстендә эш башланган. Проектның исеме – «Караш». Бу тапшыру татар телевидениясы өчен яңалык. Ул беренче реалити-шоу. «Караш» тапшыру балаларны яңа заман таләпләренә туры килгән музыка тудыруны, булачак йолдызларның нинди авырлыклар белән очрашуын һ.б. карарга чакыра.

Моннан тыш, ничә буын балаларның иң яраткан Дәү Әнисе, Йомшак песи дә кунагыбызны җылы сүзләре белән каршы алдылар. Ирада Хафиҗан кызы әлеге бәйрәм атмосферасында нәни булуларына карамастан, зур эшләр башкарып чыгучы балаларага ихлас рәхмәтләрен һәм изге теләкләрен җиткерде:

        Балалар, сезгә бары бәхет, сәламәтлек, укуларыгызда һәм киләчәгегездә уңышлар телисем килә. Әти-әниләрегезнең тәрбиясендә иркәләнергә язсын. Балачак бик тиз үтә, аның кадерен белеп калыгыз. Бүгенге көндә сезгә үзегезне шәхес буларак үстерү өчен барлык мөмкинлекләр дә булдырылган. «ШАЯН ТВ» гел дә яңалыкларга омтыла, төрле кызыклы проектлар өстендә эшли. Һәр башлаган эшегез уңышка китерсен!

Дөрестән дә, биредә балалар арасында дустанә мөнәсәбәт, бер-береңә карата хөрмәт хисләре хөкем итә. Мондый тәрбияле, укымышлы, талантлы балалар булган да, «ШАЯН ТВ» каналының киләчәге бар!



ГЫЙЛЕМХАНОВА РАНИЯ

КФУ студент


Комментариялар:

Комментарий калдыру өчен керергә кирәк.

Керү
Комментариялар йөкләнә...