Керпене һәркемнең күргәне бар, тик без аның турындагы күп кенә кызыклы фактларны белеп бетермибез. Бүген исә шулар белән танышырбыз.
* Керпене ялан кул белән тоту мөмкин түгел, чөнки ул шунда ук чәнечкеле йомгакка әйләнә. Ә үзе кулга тиз ияләшә. Сөт ярата. Шулай ук җиләк, үлән, бака ашый, еланнарга да ташлана.
* Керпе катнаш урманнардагы якты урыннарда яшәргә ярата.
* Аның авырлыгы 1 кг га, буе 30 см га җитәргә мөмкин.
* Керпедә 16 меңгә якын энә бар. Һәрберсенең озынлыгы 2-4 см, юанлыгы 1 мм.
* Гадәттә, керпеләр койрыксыз булып күренә, ләкин аларның кыска булса да, койрыгы бар. Кайбер төрләренең койрык озынлыгы 20 сантиметрдан да артып китә ала.
* Керпе начар күрә, аның төп ярдәмчесе - борыннары.
* Әлеге җан иясе кышны тирән йокыда уздыра, азык запасы әзреләми.Апрель ахыры, май башларында кышкы йоксыннан уяна. Майда 3-5 баласы туа.
* Керпе баласы сукыр, чукрак, ялангач һәм энәсез булып туа. Туып берничә сәгать үтүгә, тәненә йомшак энәләр үсә башлый. Бераздан ул энәләр ныгый, катылана.
* Керпеләр төрле авазлар чыгара. Хәтта төчкергән авазлар ишетергә мөмкин.
* Табигатьтә керпеләр күп дигәндә 5 ел яши, ә зоопарк яки хуҗалыкта – 10 ел.
* Керпеләрнең барлыгы 24 төре билгеле.
* Алар бер-берсе белән сызгырып аралаша.
* Әлеге җәнлек тәүлегенә 2 чакрымга якын ара уза.
* Соңгы елларда Татартсанда колаклы керпеләр очрый башлаган. Керпе Татарстанның Кызыл китабына кертелгән.
Комментарийлар: