«Сәйлән» яңалыклары!

«Сәйлән» балалар телевизион җыр фестиваленең ДҮРТЕНЧЕ сезонын төшерү процессы дәвам итә! Әлеге проект яшь йолдызларга тагын да яктырак балкырга, татар халкының җырларын танытырга ярдәм итә.

Фестивальдә катнашучылар өчен вокал, актерлык осталыгы, сәхнә образы буенча төрле остаханәләр уздырыла.

Күптән түгел «Сәйлән» катнашучылары Кәрим Тинчурин исемендәге Татар дәүләт драма һәм комедия театры актрисасы Резеда Сәлахова белән очрашты. Ул яшь талантларга сәхнә осталыгы буенча мастер-класс үткәрде, файдалы киңәшләрен бирде һәм зур уңышлар теләп калды!