«Сәйлән» проекты дәвам итә!

"Сәйлән" проектында урак өсте! Алдагы турга узган катнашучылар көннән-көн осталыкларын арттыра!
Безнең сайтта shayantv.ru  тапшыруның инде икенче чыгарылышын да карый аласыз! Ә бу ялларда яшь җырчылар  Татарстанның һәм Башкортстанның атказанган, халык артисты Айдар Галимов белән очрашты! "Сез - барыгыз да җиңүчеләр!  Күпме сынаулар аша, нинди мәртәбәле жюри әгъзаларының югары бәясен алып, бу этапка килеп җиткәнсез! Мондый проектларны күреп күңел сөенә. Күпме баланың сәләтле яклары ачыла бит! Мин дә сезне күргәч, үземнең балачакка кайттым. Һәркайсыгызга уңышлар телим", - диде җырчы. Тиздән төп җиңүченең кем икәнлеге ачыкланыр.