«Сәйлән» яңалыклары!

«Сәйлән» фестивален төшерү процессы дәвам итә.

 Әлеге проект яшь йолдызларга тагын да яктырак балкырга, татар халкының җырларын танытырга ярдәм итә. Фестивальдә катнашучылар өчен вокал, актерлык осталыгы, сәхнә образы буенч төрле остаханәләр уздырыла.

Күптән түгел "Сәйлән" катнашучылары  Г.Камал исемендәге Татар дәүләт академия театрының актеры, Татарстанның атказанган артисты Фәнис Җиһанша  белән очрашты. Фәнис абый яшь талантларга сәхнә осталыгы буенча мастер-класс үткәрде, файдалы киңәшләрен бирде һәм зур уңышлар теләп калды!