16 Март 2021
«Мир» кинотеатрында «Милли мультFest» республика балалар кинофестиваленең чираттагы финалистлары ачыкланды. Барлыгы финалга 27 эш үтте. Шулардан 14 анимацион фильм, 6 кыскаметрлы фильм һәм 7 компьютер уены.
Лауреатларны бүләкләү тантанасы 23 апрель - Туган тел көне алдыннан - Г.Тукай исемендәге Татар филармониясендә узачак.
«Милли мультFest» республика балалар кинофестиваленең максаты – балаларда татар теленә кызыксыну уяту, компьютер уеннары, кыскаметражлы фильм һәм анимация аша рухи, интеллектуаль, иҗади өлкәне баету.
Фестивальне Татарстан Республикасы Президенты каршындагы Татар телен саклау һәм үстерү мәсьәләләре комиссиясе гамәлгә куя.
Комментарийлар: