Дүшәмбе, 23 гыйнвар көнне «Сабантуй бүген бездә» җырын башкаручы «Батыр егетләр» ансамбле егетләре Әмир һәм Сәид Галиуллиннар үзләренең җитәкчеләре Сәләхова Эльвира Илгизәр кызы белән «Татарстан-Яңа Гасыр» каналында, «Манзара» тапшыруында кунакта булачаклар. Әңгәмә клипның гаҗәеп эшләнеше, «Балачак җыры» бәйгесенең яңа сезоны хакында булачак. Әлеге клипны сез телевизор экраннарында да күрә алачаксыз!
Иртәнге 6:00 сәгатьтә «ТНВ» каналында карамый калмагыз.
Дуслар, Балачак җыры бәйгесенең дүртенче сезонына гаризалар кабул итү дәвам ителә! Җиңүчеләрне акчалата приз, җырның профессиональ аранжировкасы һәм клибы көтә!
Шулай булгач, без сездән өр-яңа шигырьләр, оригиналь көйләр көтәбез!
Балалар өчен язылган җырның аудиоязмасын һәм текстны [email protected] адресына җибәрегез!
Гаризалар 1 мартка кадәр кабул ителә. Тулырак мәгълүмат сылтама буенча.
Комментарийлар: