«ТАТАР СҮЗЕ»: мәртәбәле жюри!

Дуслар, ТАТАР СҮЗЕ» дүртенче Халыкара нәфис сүз телевизион бәйгесенең жюри составы белән таныштыруыбызны дәвам итәбез. Алар арасында Галиәсгар Камал исемендәге Татар дәүләт академия театры актеры, Татарстанның халык артисты, Россиянең атказанган артисты, театр сәнгате өлкәсендә Марсель Сәлимҗанов исемендәге республика бүләге лауреаты Илдар Зиннур улы Хәйруллин да бар.

* 1950 ел­ның 6 ию­нен­дә Ка­зан шә­һә­рен­дә туа.

* Ка­зан те­атр учи­ли­ще­сын тә­мам­лый һәм Та­тар ака­де­мия те­ат­рын­да эш­ли баш­лый.

* Театр училищесында ак­тер­лык ос­та­лы­гы укыта. Спек­такль­ләр куя.

* Илдар Хәй­рул­лин - күп­кыр­лы ак­тер. Иҗа­ты­ның баш­лан­гыч чо­рын­да баш роль­ләр­дә яшь егет­ләр­не уй­на­са, со­ңын­нан төр­ле  планда һәм төрле жанрда ха­рак­тер­лар ту­ды­ру ос­та­сы.

* Татарча фильмнарда бик күп рольләр башкара.

* Уйнаган спектакльләре: «Бор­чыл­ма, әни­ем» (Н.Дум­бад­зе); «Эң­гер-мең­гер» (А.Гый­лә­җев); «Диләф­рүз­гә дүрт кия­ү», «Ат ка­ра­гы», «Моң­лы бер җыр» (Т.Миң­нул­лин); «Мә­хәб­бә­тең чын бул­са» (Х.Ва­хит); «Һиҗ­рәт» (Н.Исән­бәт); «Җи­ме­рел­гән бә­хет» (А.Ост­ровс­кий); «Кияү бе­лән кә­ләш» (М.Бай­җи­ев); «Ка­зан сөл­ге­се», «Сүн­гән йол­дыз­лар» (К.Тин­чу­рин); Җан­бай — «И­де­гәй» (Ю.Са­фиул­лин), «Ка­рак» (З.Хә­ким); «Ә­ни кил­де» (Ш.Хө­сә­е­нов); «Мә­хәб­бәт ха­ти­рә­се» (Ф.Бү­лә­ков).

Рәсем Яндекстан алынды

Сез әле «ТАТАР СҮЗЕ» бәйгесендә катнашырга өлгерәсез! Мөмкинлекне кулыгыздан ычкындырмагыз! Эшләрегезне җибәрегез!

Премиаль фонд саллы - 1500 000 сум.

Үзегезгә туры килгән номинацияне сайлагыз һәм чыгышыгызны видеога төшереп, анкета белән бергә [email protected] рәсми почтасына юллагыз. Сораулар буенча 8(917)391-07-87 WhatsApp номерына яза аласыз.

Гаризалар 2023 елның 30 ноябренә кадәр кабул ителә. Тулырак мәгълүмат shayantv.ru һәм tnv.ru сайтларында.