Бүген бик күркәм бәйрәм

Бүген бик күркәм бәйрәм — әниләр көне! Барлык әниләрне дә котлыйбыз!

Салкын көздә табигатькә

Яз китерә бу бәйрәм.

Саран кояш нурларында

Наз китерә бу бәйрәм.

Йөзләргә елмаю сибә,

Нур өләшә күңелгә,

Өйләргә сыймый, дөньяга

Җыр – моң булып түгелә.

Әниләр бәйрәме бүген –

Бәйрәмнәрнең олысы.

Һәр туган яңа таң өчен

Без әнигә бурычлы.

Тәбрик итик әниләрне,

Юллыйк ихлас теләкне.

Гомер язын бүләк иткән

Ана – тормыш терәге.