Бүген бик тә үзенчәлекле көн, дуслар. Тормышчан, хәзерге көндә бик актуаль бәйрәмнәрнең берсе - блогерлар көне! Һәркайсыбызны да үзенә күрә блогер дип әйтергә мөмкин. Барыбызда да кәрәзле телефоннар, социаль челтәрләрдә шәхси аккаунтларыбыз бар. Башкалар өчен ниндидер файдалы киңәшләр бирәбез, борчыган сорауларга җавап табабыз, яңа дусларыбыз да арта. Димәк, бу көн һәммәбез өчен дә күмедер әһәмияткә ия.
«ШАЯН ТВ»ның да телевизион блогерлар мәктәбе бу өлкәдә белгеч булырга теләүчеләр өчен зур мөмкинлекләр бирә! Бу көнгә кадәр узган онлайн-дәресләрне безнең сайтта кабатлап карый аласыз. Киләчәктә дә яңалыкларны күзәтеп барыгыз!
Блогерлар көне белән котлап, сездән күңелле язмалар, яхшы хәбәрләр көтеп калабыз. Миллион язылучы һәм тугры дуслар телибез!
Комментарийлар: