Иң экстремаль һөнәр ияләре бәйрәме

Бүген «Альпинистлар көне». Альпинизм – көчле рухлы, чыныккан, чыдам ир-ат һәм хатын-кызлар шөгыле. Альпинизм дөньяның иң куркыныч һәм экстремаль һөнәрләре исемлегендә беренче урынны алып тора.
Альпинизм белән һөнәри рәвештә шөгыльләнүче кешеләр физик һәм рухи яктан бик җитди әзерлек уза. Бер тапкыр биеклекне яулаган экстремалларның, һичшиксез, батырлыкларын кабатлап, тагын да югарырак үрләр яулыйсы килә.
Альпинизм белән теләге булган һәр кеше дә шөгыльләнә алмый. Бары тик рухы көчле һәм нык кешеләр генә тормышларын бу һөнәр белән бәйли ала.