18 Май 2024
Сәхифәбез кысаларында сезне тамашачыбыз Газиз Әгъләмовның «Кем булырга?» дип исемләнгән шигыре белән таныштырабыз!
Һөнәрләр күп безнең алда,
Кайсын сайларга белмим...
Баян тотсам кулыма
Музыкант булыр идем.
Шигырь язарга кушасыз,
Шагыйрь булуы авыр.
Күңелне күтәреп алсаң,
Халык сине яратыр.
Шофёр булу да яхшы,
Икмәкләр дә ташыйсың.
Юл гына булсын яхшы,
Җитезлекне сыныйсың.
Арып-талып уйлый торгач,
Тәмам калдым аптырап.
Бар һөнәр дә бик кирәкле,
Бар һөнәр дә җаваплы!
Дуслар, сез дә безне үзегезнең язмаларыгыз белән таныштырып, хатлар юллый аласыз! Без аны үзебезнең рәсми сайтыбызда урнаштырырбыз! Хатларыгызны [email protected] почтасына җибәрегез!
Комментарийлар: