«ШАЯН ТВ» каналы «Балачак җыры» концертлар циклының көзге сезонын тәмамлап бара! Бүген «Адымнар - Казан» күп телле мәктәбе укучылары өчен гаҗәеп матур һәм күңелле тамаша оештырылды. Әлбәттә, «ШАЯН ТВ» — беренче татар балалар каналы — укучлырны истәлекле бүләкләр белән сөендерде. Сәхнәне «Сәйлән» музыкаль фестиваленең талантлы артистлары бизәде.
Тамашачылар талантлы балаларның күңелле музыкаль чыгышларыннан күтәренке рух алдылар һәм үзләренең рәхмәт сүзләрен җиткерделәр!
Исегезгә төшерәбез, әлеге чаралар Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән һәм «Мәрхәмәт-Милосердие» Татарстан Дәүләт Советы хатын-кыз депутатлары оешмасы белән берлектә оештырыла.
Комментарийлар: