«ШАЯН ТВ» яңалыклары белән уртаклаштылар

Бүген Телевидение көне уңаеннан «ШАЯН ТВ» каналының башкарма директоры - баш мөхәррир Рамилә Әхмәтзакир кызы Сәхабетдинова һәм «ШАЯН ТВ» каналы алып баручысы, күп кенә проектларда катнашучы Сәфинә Шаһиева «Татарстан-Яңа Гасыр» каналында «Манзара» тапшыруында кунакта булып кайттылар. Әңгәмә «ШАЯН ТВ» каналының яңалыклары, кызыклы проектлары, зур җиңүләре хакында булды. Шулай ук телевидениегә эләгү серләре белән дә уртаклаштылар. Тамашачылар «Балачак җыры» бәйгесендә җиңү яулаган җырларга төшерелгән клипның премьерасын да күрә алды.