9 Ноябрь 2024
Сәхифәбез кысаларында ШАЯН тамашачыбыз Илназ Харисовның “Челтәр шәлле каен” дип исемләнгән шигырен тәкъдим итәбез.
Язның ямьле бер көнендә
Чыктым уйнарга урамга.
Урамдагы хәлне күргәч,
Күзем менде маңгайга.
Ботакларын җиргә салып,
Тора челтәр шәлле каен.
Ләкин, кызганычка каршы,
Хәле беткән инде аның.
Күпме яңгырлар уздырган,
Күпме кояш кыздырган.
Мескен гаепсез каенның
Ботакларын сындырган.
Ул каенга хәзер инде
Ярдәм итеп тә булмас.
Ничек кенә тырышсам да
Каен өчен ул бик тә аз...
Сез дә безне үзегезнең язмаларыгыз белән таныштырып, хатлар юллый аласыз! Без аны үзебезнең рәсми сайтыбызда урнаштырырбыз! Хатларыгызны [email protected] почтасына җибәрегез!
Комментарийлар: