11 Ноябрь 2018
Без «ШАЯН ТВ» ачылуга сөенеп йөргән арада, Казаныбыз барлык төбәкләрдән иң сөйкемле, иң сәләтле, татар гореф-гадәтләрен һәм традицияләрен хөрмәт иткән, туган телен белгән татар кызларын бергә җыя.16 ноябрь көнне Татарстан тарихында беренче тапкыр «Татар кызы-2018» Халыкара гүзәллек бәйгесе узачак. Әзерлек эше кызу. Дистә көн дәвамында гүзәлкәйләр сәхнәдә үзен тотарга өйрәнәчәк, сәнгатьле сөйләм, вокал һәм хореография белән шөгыльләнәчәк. Шулай ук татар кызлары өчен мавыктыргыч күңел ачу программасы да әзерләнгән. Быел Татарстан данын Балтач кызы Гүзәл Габдрахманова яклый. Гүзәл сүзләренә караганда, Татарстанның җиңәргә барлык шанслары да бар. Ышанабыз сиңа, Гүзәл! Кызларның һәрберсе белән сез «Яшьләр тукталышы» тапшыруының 11 ноябрь чыгарылышыннан таныша аласыз.
Комментарийлар: