9 September 2023
Бу атнада сезгә тамашачыбыз Рәйхан Абдуллинаның «Көз» дип исемләнгән шигырен тәкъдим итәбез!
Тәрәзәгә көзге яңгыр бәрә,
Яфрак оча салкын җилләрдә.
Каңгылдашып кошлар китеп бара-
Кала алмый туган җирләрдә.
Көзләр шуңа моңсу микән әллә,
Соңгы яфрак өзелеп төшкәнгә...
Кояш булып, юмарт кояш кача,
Кызарып- янып миләш пешкәндә.
Табигать тә инде төссезләнгән,
Көздән инде берни көтмисең...
И моңсу көз! Шушы хәлеңдә дә,
Күңелемә җылылык өстисең.
Сез дә безне үзегезнең язмаларыгыз белән таныштырып, хатлар юллый аласыз! Без аны үзебезнең рәсми сайтыбызда урнаштырырбыз! Хатларыгызны [email protected] почтасына җибәрегез!
Comments: