Казан Кирмәне янында бәйрәм чарасы узды!

Бүгенге көн бәйрәм чараларына бик бай булды! «ШАЯН ТВ» каналы балаларны Казан Кремле янында бер мәйданга җыйды һәм шәп бәйрәм кәефе бүләк итте!

Бирегә төрле җирдән бик күп балалар җыелды. Искиткеч программа: җанлы аралашу, аквагрим, мавыктыргыч уеннар һәм розыгрышлар оештырылды. Шулай ук «ШАЯН ТВ» геройлары белән фотосессия да уздырылды. Килгән һәрбер бала истәлекле бүләкләр белән кайтып китте. Кыскасы, тамашачылар өчен, чын мәгънәсендә, рәхәт бәйрәм булды!