Бәйрәм белән, хөрмәтле Әниләр!

Салкын кышларга кереп барганда, без иң җылы һәм якты бәйрәмнәрнең берсен - Әниләр көнен билгеләп үтәбез! Безгә тормыш бүләк иткән, бөтен йөрәк җылысын биргән, безнең өчен тынгысыз көннәр, йокысыз төннәр кичергән газизләребез!

Гаиләдә җылылык тудыруыгыз, барлык яхшылыгыгыз өчен без Сезнең алда мәңге бурычлы. Чын күңелдән сәламәтлек, бәхет, гаилә иминлеге, озын гомер телибез Сезгә. Балаларыгыз һәм якыннарыгыздан һәрчак хөрмәт һәм ярату гына тоеп яшәргә язсын. Якты күзләрегездән елмаю һәм шатлык китмәсен. Тормышыгызда якты көннәр, балаларыгыз өчен сөенгән мизгелләр күбрәк булсын.