«ШАЯН ТВ» каналы алып баручылары беренчелекне бирми!

Бүген, Халыкара театр көнендә, «Театраль Идел буе» балалар һәм яшьләр театр коллективлары фестиваленә йомгак ясау һәм җиңүчеләрне игълан итү тантанасы узды.

«Иң яхшы балалар спектакле» номинациясендә Казанның «Апуш» татар балалар театр студиясенең «Апушның тылсымлы төшләре» спектакле җиңү яулады. Балалар спектакльләре арасында исә «Иң яхшы ир-ат роле» номинациясендә «Апушның тылсымлы төшләре» спектаклендә Апуш ролен уйнаучы «ШАЯН ТВ» каналының алып баручысы Әмир Исрафилов җиңүче исеменә лаек булды! Афәрин, Әмир!