«ШАЯН ТВ»да премьера! Телеканал «Тайо маҗаралары» мультсериалын тәкъдим итә! Ул бер генә нәни дустыбызны да битараф калдырмаячак һәм күп кенә файдалы мәгълүмат бирәчәк.
Тайо - зур шәһәрдә үз тормышын башлап кына килүче кечкенә зәңгәр автобус. Ул инде юл йөрү кагыйдәләрен өйрәнгән, һәм хәзер аңа, шау-шулы урамнарга чыгып, пассажирлар өчен җаваплылыкны үз өстенә алганчы, уңышлы тест тапшырырга туры киләчәк.
Тайо автомәктәптә сары такси Нури, йөк машинасы Вруми, ярыш машинасы Спиди белән таныша. Ләкин теорияне искиткеч яхшы белсәң дә, аны гамәлдә кулланып, юлларда йөрү бик үк җиңел түгел. Барлык кыенлыкларга карамастан, Тайо бурычын үти һәм зур кызыл Сито җитәкчелегендә шәһәр автобуслары командасы әгъзасы була. Герой автопарктагы күршеләре - үзе кебек үк кечкенә автобуслар белән таныша. Алар бергә укыячаклар, яңа һөнәрләр үзләштерәчәкләр һәм, әлбәттә, күңел ачачаклар.
Мультсериалны эш көннәрендә 11:00 һәм 19:00 сәгатьләрдә карагыз.
Comments: