«ШАЯН ТВ» каналы тәкъдим итә һәм яраткан тамашачыларын «Дино патруле» дип исемләнгән премьера белән сөендерә!
Миллион еллар элек явыз Дезвалиан Җирдәге бөтен тереклекне, шул исәптән динозаврларны да юкка чыгарырга карар кыла. Ләкин кыю саклаучылар, Дино патруле белән бергә, сихерчегә каршы чыгалар, аның көчсезләндерәләр, ә Дезвалианны Айга җибәрәләр.
Озак еллар үткәч, әлеге явыз көч яңадан планетага һөҗүм итәргә омтыла. Ул динозавр скелетларын роботларга әверелдерү һәм җиңү яулау өчен иярченнәрен җибәрә. Ләкин Дино патруле, үз чиратында, Җирне яклап чыга. Батыр сугышчыларның ярдәмчеләре булып динозаврлар белән мавыгучы кыю егетләр тора. Ләкин геройлар хәйләкәр Дезвалианга каршы җавап кайтара алырлармы?
Әлеге тарихның дәвамын белер өчен, «Дино патруле» мультсериалын карарга чакырабыз! Эш көннәрендә 07:55 һәм 15:55 сәгатьләрдә карагыз!
Comments: