«Здравствуйте» тапшыруында!

Күптән түгел халкыбызның иң мөһим мәдәни ел вакыйгасы - «ТАТАР СҮЗЕ» өченче Халыкара нәфис сүз телевизион бәйгесенең Гала-концерты булып узды һәм тантаналы төстә иң яхшы нәфис сүз осталарының исемнәре билгеле булды!

Шул уңайдан, әлеге бәйгенең җиңүчесе, Кәрим Тинчурин исемендәге Татар дәүләт драма һәм комедия театры артисткасы Зөлфия Вәлиева «Татарстан-Яңа Гасыр» каналында «Здравствуйте » тапшыруында кунакта булып кайтты. Ул үзенең хис-кичерешләре белән уртаклашты һәм укыган шигыре хакында сөйләде.