«ШАЯН ТВ» каналында шәп премьера! Әлеге соклангыч персонажлар сезгә көзге көннәрдә күңелсезләнергә ирек бирмәячәк!
Капитан Квилти һәм аның куркусыз командасы утрау буйлап очучы корабта сәяхәт итә. Маҗаралар вакытында бу команда әкият утравында яшәүче сәер һәм кызык җан ияләре белән танышачак.
Квилти һәм аның дуслары - бик төрле, ләкин алар бер-берсенең холкын бик яхшы тулыландыралар. Янут, маймыл, ташбака, тутый кош һәм күбәләк - һәрберсенең корабта үз роле бар, ә аларның үзенчәлекле сәләтләре һәрвакытта да сәяхәтчеләргә көтелмәгән хәлләрдә ярдәмгә килә. Һәр эпизодта дуслар хәзинә эзләп китәләр. Ә тулырак вакыйгалар агышын сез эш көннәрендә 08:10 һәм 16:10 сәгатьләрдә «ШАЯН ТВ» каналында «Табигатькә сәяхәт» мультсериалын карап белә алырсыз!
Comments: