«Манзара»да кунакта!

Татарстан Республикасы Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «ШАЯН ТВ» балалар каналы «Балачак җыры» бәйгесендә җиңү яулаган җырларны тәкъдим итте!

Шул уңайдан, «ШАЯН ТВ» каналының сайт мөхәррире Сиринә Габделхакова «Татарстан-Яңа Гасыр» каналында, «Манзара» тапшыруында кунакта булып кайтты. Әңгәмә «Балачак җыры» бәйгесе һәм «Бие әле» клибы хакында булды.

Әлеге клип тамашачыларга Татарстанда яшәүче милләтләр вәкилләренең дуслыгын күрсәтергә тырыша. Клипларны «ШАЯН ТВ»ның YouTube каналында карарга мөмкин.