Бездә кунаклар!

Бүген Казанның 3 гимназия укучылары һәм Әлмәтнең «ТЕЛЕШКО» телевидениесе мәктәбе балалары «ШАЯН ТВ» каналында кунакта булдылар. Яшь тамашачыларга студиябез буйлап экскурсия ясадык, шәп тапшыруларыбыз, гаҗәеп мультсериалларыбыз белән таныштырдык. Популяр тапшыруларның алып баручылары белән очрашып, якыннан аралашу, үзләрен кызыксындырган сорауларга җаваплар алу – балаларның күңеленә хуш килде.

Танылган артистларның мультсериалларны тавышландыру процессын аеруча кызыксынып күзәттеләр алар. Моннан тыш, укучыларга күңелле викториналар уздырдык, истәлекле бүләкләр өләштек.

Очрашу бик җанлы үтте! Тамашачыларга да ошагандыр дип ышанабыз!