«Иртәнге чәй»дә кунакта!

Дуслар, «Иртәнге чәй»ләрне тыңладыгызмы?

Бүген «ТАТАР СҮЗЕ» бәйгесенең оештыру комитеты рәисе, «ШАЯН ТВ» каналының дубляж студиясе җитәкчесе Роза Әдиятуллина «Болгар радиосы»нда, «Иртәнге чәй» тапшыруында кунакта булды. Ул туры эфирда Татарстан Республикасы Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «Татарстан - Яңа Гасыр» телерадиокомпаниясе үткәрә торган «ТАТАР СҮЗЕ» өченче Халыкара нәфис сүз телевизион бәйгесе турында сөйләде.