19 August 2022
Бүген «Калейдоскоп» балалар паркында «ШАЯН ТВ» каналы Казан Мэриясе белән берлектә «ШАЯН Тиззарядка» уздырды! Әлеге мастер-класс – «Хәрәкәттә – бәрәкәт» проектының чираттагы чарасы.
«ШАЯН ТВ»ның алып баручылары белән бергә яраткан тамашачыларыбыз саф һавада, музыка астында кызыклы күнегүләр ясадылар. Күңелле флешмоблар, каналыбызның төп геройлары – Шаян һәм Мияу белән фотога төшү оештырылды. Иң актив кунакларга истәлекле бүләкләр өләштеләр. Чын җанлы аралашу хөкем сөрде. Бәйрәмгә килгән һәр кеше яхшы кәеф, көч-куәт, энергия алып кайтып китте!
Comments: