Бу атнада сезгә тамашачыбыз Нәбиуллин Наилнең «Чишмә юлы» дип исемләнгән шигырен тәкъдим итәбез!
Челтер-челтер ага салкын чишмә
Кай якларга ургып ага ул?
Юлын ала? Ераккамы җитәр
Боргаланып киткән ташлы юл?
Алга ага, үз юлларын эзли
Тәмле суны кайда йөгертер?
Ташлар ярып киләчәген эзли,
Ул юлларда аны ни көтәр?
Киртәләгән юлны ачып торыйк
Чишмәкәйләр алга омтылсын.
Боргаланып яңа юллар салсын,
Сулары да гел-гел мул булсын.
Тауны ярып чыккан салкын чишмә
Алга бара, алга тартыла.
Табигатьне яратканнар гына
Ярдәмгә бит һәрчак омтыла.
Сез дә безне үзегезнең язмаларыгыз белән таныштырып, хатлар юллый аласыз! Без аны үзебезнең рәсми сайтыбызда урнаштырырбыз! Хатларыгызны [email protected] почтасына җибәрегез!
Комментарии: