Сезне тамашачыбыз Камилә Мөхетдинованың шигыре белән таныштырабыз!
Сөйкемле, шаян сеңлем бар,
Күп һөнәрләргә ия.
Саф, ихлас күңелле ул –
Исеме дә Сафия.
Безгә кунакка килгәнен,
Көтәм мин бик зарыгып.
Килгәч, битен алам үбеп,
"И-и, сеңлем килгән", – диеп.
Кечкенә генә булса да,
Сафия бик тырыша.
Әле уенчыклар җыя,
Әнисенә булыша.
Балалар бакчасына ул,
Йөри калмыйча бер көн.
Сөйкемле булгангадырмы,
Ярата аны һәркем.
Ул киткәндә моңсу була,
“Тагын кил!” – диеп калам.
Җавабы бигрәк матур шул:
“Килермен, алма апам!”
Дуслар, сез дә безне үзегезнең язмаларыгыз белән таныштырып, хатлар юллый аласыз! Без аны үзебезнең рәсми сайтыбызда урнаштырырбыз! Хатларыгызны [email protected] почтасына җибәрегез!
Комментарии: