Дуслар, «Гаҗәп Дино» мультсериалы кабат эфирга чыга һәм ял көннәрен «ШАЯН ТВ» каналы белән бергә үткәрергә чакыра!
Тугыз яшьлек Поуди дөньядагы барлык балалар хыялланган иң гадәти булмаган мәктәптә икенче сыйныфта укый. Мәктәп бик матур утрауда урнашкан. Анда бары тик оча торган автобуста гына килеп була. Бина үзе лабиринтлы сарайга охшаган һәм фантастик техника белән җиһазландырылган. Әмма мәктәп укучылары һәркайда да бертөрле: алар тиз укыйлар, дуслашалар, уйныйлар һәм акылга сыймаслык маҗаралар турында хыялланалар.
Поуди да шулар рәтендә. Ул тумыштан лидер, энергияле һәм кыю, гәрчә кайвакыт кирәгеннән артык кире булса да. Аның иң якын дуслары - сөйкемле һәм әдәпле кыз Жасмин һәм киң күңелле, аппетиты яхшы булган Денни.
Көннәрдән бер көнне аларның дустанә триосына аждаһа кушыла! Төгәлрәге, сөйләшә белми торган, бөтенләй кечкенә аждаһа. Әмма ул - суперкөчкә ия. Аның ярдәмендә яшь геройлар яраткан мәктәпләренә нигез салган зирәк директор Эрның юкка чыгу серен ачыкларга тырышалар.
«Гаҗәп Дино» мультсериалын шимбә һәм якшәмбе көннәрендә 14:00 һәм 22:00 сәгатьләрдә «ШАЯН ТВ» каналында карагыз!
Комментарийлар: