Татарстанга чын җәй килә

Бүген Татарстан кояшлы антициклон йогынтысында кала, дип хәбәр итә ТР Гидрометүзәге. Явым-төшем көтелми, һава торышы ачык һәм коры булачак.
Көндез республикада һава температурасы +22…+27 градус җылылыкка кадәр күтәреләчәк, Казанда исә термометр баганалары +24тән +26 градуска кадәр җитәчәк.

Фаразлар буенча, киләсе көннәрдә эссе тагын да көчәячәк – температура +32 градуска кадәр күтәрелергә мөмкин.