6 April 2020
Мультфильм карарга яратмаган кеше бармы икән ул? Хәтта әти-әниләр дә кайвакыт безнең белән утырып, мультфильм карый. Еш кына, эх, безнең замандагы мультфильмнарга җитми инде, дип әйтә. Әйе, алар да заман бергә атлый, яңара, үсә.
Күпләр әле бүген нинди бәйрәм икәнен белмидер дә! 6 апрельдә Халыкара мультфильм көне билгеләнә. Мультфильм халыкара ассоциациясе бу бәйрәмне 2002 елда игълан итә. Датасы да юкка гына сайланмый. 1906 елда Джон Стюарт Блэктон һәм Альберт Смит «Көлке йөзләрнең комик фазалары» мультфильмының беренче серияләрен төшерә. Шулай итеп анимациягә нигез салына.
Comments: